مظفرگڑھ:
پنجاب پولیس کا قانون کے ساتھ گھناوننا مذاق ،سیت پور میںسی آئی اے سٹاف پولیس کے نجی ٹارچر سیل پر عدالتی بیلف کا چھاپا ،زنجیروں اور ہتھکڑیوں میں جکڑا شخص برآمد ڈیرے پر مزید تین مبینہ ملزمان بھی غیر قانونی طور پر ہتھکڑیوں سے بندھے پائے گے، جدید اسلحہ جرائم پیشہ افراد کو واردات کے لئے کرائے پر دینے کا انکشاف،
غلام شبیر نے ایڈیشنل ڈسٹرکٹ اینڈ سیشن جج علی پور عمر حیات کی عدالت میں رٹ دائرکی کہ پولیس نے میرے بھائی غلام فرید کو موضع ملک ارائیں کندائی چوک پرزمیندار ماماعاشق کے ڈیرہ میں قائم نجی ٹارچر میں محبوس کرکھا ہے جو اس پر ناحق تشدد کررہے ہیں اگر میرے بھائی کو جلد از جلد برآمد نہ کیا گیا تو پولیس میرے بھائی کو ماردیگی جس پرعدالت نے فوراًکاروائی کرتے ہوئے عدالتی بیلف کو پولیس کے ہمراہ روانہ کیا جس نے موضع ملک ارائیں علاقہ تھانہ سیت پور میں پولیس سی آئی اے سٹاف مظفرگڑھ کی طرف سے قائم غیر قانونی ٹارچر سیل پر چھاپہ مارا جہاں پر غلام فریدکو زنجیروں سے جکڑکر چارپائی پر باندھا ہوا تھا اور اس کے جسم پر تشدد کے نشانات بھی تھے غلام فرید سمیت دیگر افراد مختیار،جاوید جھلن بھی پولیس سٹاف نے غیر قانونی طور پر زنجیروں سے جکڑ کر چارپائی پر باندھ رکھا تھا بازیاب ہونیوالے غلام فرید نے صحافیوں سے گفتگو کرتے ہوئے کہا کہ صبح مجھے پولیس یہاں اٹھا کرلائی ہے جس نے میرا موبائل اور نقدی دس ہزار روپے چھین لی اور ہم پر بے پناہ تشدد کیا اس نے کہا کہ پولیس یہاں پر بے گناہ لوگوں کو اٹھا کرلاتی ہے اور ان سے رقوم لے کر چھوڑ دیتی ہے ذرائع نے بتایا کہ مذکورہ ڈیرہ ماما عاشق کا ہے جہاں پر پولیس نے نجی ٹارچر سیل بنا رکھا ہے جس کا انچارج ملک اللہ بخش تھہیم سب انسپکٹر ہے اور اس کے ساتھ رانا عمر حیات Asi،اللہ بخش محمد حوالدار،محمد ہاشم کانسٹیبل ہوتا ہے پولیس نے جدید اسلحہ گٹو میں بند رکھا ہے جو کہ غیر قانونی ہے معلوم ہوا ہے کہ پولیس مذکورہ اسلحہ جرائم پیشہ افراداورڈاکووں کو کرایہ پر فراہم کرتی ہے اور باقاعدہ اپنا حصہ وصول کرتی ہے بیلف نے انچارج نجی ٹارچر سیل ملک اللہ بخش تھہم و دیگر اہلکاروں کوکل ایڈیشنل ڈسٹرکٹ اینڈ سیشن جج علی پور عمر حیات کی عدالت میں پیش ہونے کا نوٹس جاری کیا، نجی ٹارچر سیل میں قید دیگر تین افراد ابھی بھی وہیں مقید ہیں —
