Vumbuluka mvundla!
izinja zam zidiniwe
kunini zikhangela?
Tsib' apha kwedini
ndizokulala ndinqomile.
Nank' uVukuza
Inkunz' ebhaku
ulindele uZungul' eze nawo
akundiva na?
Ndithi vuk' aph' s'bhanxa!
Ndimzamil' unziphonde
ndiwagxeleshil' amaxhalanga
ndade ndabhuda nebhadi
ngoku ndivukelwa ngumvundla
azi kwabayintoni na
Nantso! isithi prutshu
engceni ileqa ematyeni
lal'emvakwayo Vukuza
Zimela wena Zungula
uyokuvela ngaphambili
Atsha pha!
Yancwina ne ngqeqe
uTshilisi uyatsha
suka we nwi
wazifisa ukwalase
lagqitha ibhaku
lokuntlitheka emthini
lilandelwa litwina uZungula
Uthe xa ephakama
suka wafik' uTshilisi wamkhama.
Nkululeko Mdudu
http://www.poemhunter.com/poem/izinja-zam/
