Aeroplani zviceran me energji diellore aterroi në Madrid, gjatë udhëtimit ndër-mesdhetar të nisur të enjten. Piloti Andre Borshberg u ngrit në fluturim nga Zvicra, duke përdorur vetëm energjinë diellore për aeroplanit. Pas 20 orësh fluturimi, pilotit Borshberg iu desh të ulej për shkak të shterimit të baterive dhe motit të keq. Aeroplani i quajtur 'Impulsi Diellor' do të qëndrojnë në Madrid edhe sot. Ekipi i tij mban kontakte me entin meteorologjik për t'u siguruar mbi kushtet e motit, përpara se aeroplani të niset drejt Rabatit në Marok, ku do të përmbyllë edhe këtë udhëtim ndër-mesdhetar. Krijuesi i këtij aeroplani me energji diellore, Bertrand Pikard e cilëson të rëndësishme dhe revolucionare një projekt të tillë.
"Ndoshta, do të vijë dita që ky lloj aeroplani do të jetë pjesë e aviacionit. Por, të paktën tani për tani, është më e lehtë që ku projekt me energji diellore të përdoret për makinat, sistemet e ngrohjes nëpër shtëpi, sistemet e ftohjes e me radhë", tha Bertrand Pikard, themelues i projektit.
"Ky aeroplan ka të njëjtin sistem kontrolli fluturimi, ka krah, ka trup, por fluturon ndryshe. Në fillim, në fazat testuese, e kishim të vështirë ta ulnim aeroplanin. Patëm ndihmë nga pilotë të NASA-s që shqyhen për aventura të tilla, kështu që mësuam edhe ne", u shpreh Andre Borsheberg, pilot.
Borshberg shpreson të fluturojë me këtë aeroplan anembanë botës në vitin 2014. Aeroplani është i pajisur me 12,000 qeliza diellore që ushqejnë katër motorë. 'Impulsi Diellor' bëri histori në vitin 2010 kur qëndruar në ajër për më shumë se 24 orë duke përdorur vetëm energjinë diellore. Ai arriti lartësinë prej 9 235 metrash. Një projekt i tillë, do të ndihmonte ekologjinë, duke evituar ndotjen me dioksid karboni, por do të lehtësonte edhe vendet nga varshmëria e naftës dhe karburanteve. Admir Qose
