Fyerjet dhe ofendimet në fushat sportive vështirë se do të tejkalohen po që se të njëjtat nuk sanksionohen me ligj. Ky ishte konstatimi i përbashkët i të ftuarve në emisionin e mbrëmshëm 'Rruga drejt...' ku u debatua rreth mundësisë se a mund sporti mund të ndikoj në tejkalimin e paragjykimeve të cështje ndëretnike shumë më lehtë se sa politika. Ofendimet dhe fyerjet që dëgjohen në tribunat sportive sipas profesoreshës universitare Tanja Stojanovska -- Ivanova, tejkalojnë qenien njerëzore. Edhe kolegu i saj Miftar Zymberi, ndan mendimin se vetëm përmes mekanizmit ligjorë mund të evitohen ofendimet dhe fyerjet e këtilla në baza nacionale. Ai madje krahasoi periudhën komuniste me këtë të tanishmen.
"Ju ti dëshironi vdekjen e dikujt, atëherë nuk jeni ën nivelin e qenies njerëzore, atëherë nuk jeni njeri në kuptimin e plotë të fjalës. Ti dëshironi vdekjen dikujt vetëm pse është ndryshe nga ju në aspektin etnik për mua nuk është në nivel të qenies njerëzore, më falni por vetëm kafshët nuk mendojnë. Për këtë shkak them duhet të veprohet me sanksione. Unë këtu jam shumë e ashpër, ndoshta dikush do të thonte se përdor metoda të cilat janë tepër të ashpërta, megjithatë vlerësoj se duhet fillimisht të fillohet me sanksione", tha Tanja Stojanovska,Ivanova, profesor universitar
"Duhet ligj të ketë. A ishim ne në komunizëm a kishte kësilloj ofendimesh, nuk kishte, pse? Sepse ishte ligji, zbatueshmëria e ligjit edhe çdo gjë ishte , shkonim duartrokisnim, bërtisnim Shkëndija, Shkëndija edhe fituam apo humbëm, bishtin ndër veg dhe ktheheshim në shtëpi", tha Miftar Zymberi, profesor universitar
Ndërkohë Ivan Anastasovski mes tjerash u shpreh se në gjirin familjarë, brenda familjes duhet punuar posaçërisht me moshën më të re, për t'i bindur ata se fyerjet dhe ofendimet nuk çojnë askund. Ai madje për ilustrim sa më ët mirë për këtë dha një shembull konkret.
"Unë në shtëpi kur shoh ndeshjen Maqedoni-Serbi,bashkë me djalin tim, dhe kur Ibrahimi apo Artimi të shënoj gol, ai fillon të ofendoj, shembull, ja ky shqiptari shënoj gol..., në rast se unë si prind filloj ta stimuloj këtë, ta aprovoj këtë, ai do të filloj të rritet me këtë, të zhvillohet me atë, ta pranoj atë. Por në rast se unë e shikoj shtrembër dhe filloj të bisedoj me te si prind, se atë që e tha fillimisht është ofenduese ndaj një bashkësie tjetër etnike që jeton ën RM, dhe filloj ta sanksionoj në shtëpi, ta bindi fëmijën tim, ai më tutje do të rritet me një filozofi të tillë", tha Ivan Anastasovski, profesor universitar
Ish futbollisti Artim Shaqiri, theksoi se kur lojtarët janë në fushë, nuk merren me publikun por koncentrohen në lojë edhe pse ofendimet qoftë në baza nacionale apo personale janë të papranueshme. .
"Ka pas ofendime edhe në ndeshjet tjera, siç thashë neve si shqiptarë që kemi luajtur në reprezentacionin e Maqedonisë, gati gjatë gjithë kohës jemi përqendrua ke loja, nuk jemi koncentru shumë, nuk e kemi ndëgju shumë publikun sepse nuk fitojmë asgjë", tha Artim Shaqiri, tra...
