Shqiptarët synojnë pozita të larta në strukturën drejtuese të Armatës së Maqedonisë. Më 18 gusht, në ditën e Ushtrisë, Ministri i Mbojtjes, Talat Xhaferi, pritet të avancoj në detyre disa oficer shqiptarë për ti hapurr rrugën vendosjes së tyre në pozicione më të larta udhëheqëse në armatë. Xhaferi, nuk pranoi të jep më tepër detaje për numrin e oficerëve shqiptarë që pritet të avancohen, duke thënë se të gjitha hollësitë për këtë çështje, do shpalosen me rastin e shënimit të 21 vjetorit të Armatës.
"Për çështjen e gradimeve dhe për çështjen e shënimit të 18 gushtit, ditës së armatës mendoj që në një eveniment tjetër do të kemi mundësi ti shpalosim të gjitha hollësitë", tha Talat Xhaferi, Ministër i Mbrotjes.
Aktualisht, në Ministrinë e Mbrotjes, rreth 16% e të punësuarve janë shqiptarë. Burime pranë këtij dikasteri, thonë se ministri Xhaferi, është i interesuar për rritjen e këtij numri, edhe atë jo vetëm brenda ministrisë por edhe në strukturat komanduese të ARM-së. Këto komente ministri Xhaferi i bëri sot gjatë vizitës së Qendrës për Stërvitjen e pilotëve ushtarakë në kazermën Petrovec të Shkupit, e cila pritet të shndërrohet në qendër rajonale për trajnim pilotësh.
"Qëllimi i MO-së që pas 8 viteve duhet të marrë në menaxhim të plotë Qendrën për stërvitje të pilotëve është që kjo qendër të jetë e karakterit rajonal dhe ndërkombëtar për stërvitjen e pilotëve ushtarak. Ne kemi për intencë që këtë qendër tua prezantojmë jo vetëm publikut në Maqedoni por edhe të gjithë palëve të interesuara jashtë shtetit, për mundësin dhe kapacitetet që ka qendra", u shpreh Talat Xhaferi, Ministër i Mbrotjes.
Në Qendrën për Stërvitje të pilotëve në Shkup sot përfundoi faza e parë e trajnimit të grupit të parë të kadetëve. Paralelisht, këtyre ditëve po zhvillohet edhe procedura e përzgjedhjes së 128 kadetëve nga grupi i tretë të paraqitur gjatë konkursi të fundit. Valmir Kuçi
