Një konflikt i çastit mes dy shokësh në një pikë bastesh ka agravuar deri në përdorimin e armëve, ku për pasojë ka mbetur i plagosur njëri prej tyre.
Ngjarja e rëndë ka ndodhur në rrugën "Vaso Pasha", në zonën e "ish-Bllokut" në kryeqytet, ku Genci Basha, pronari i një pikë llotoje, pranë së cilës ka ndodhur ngjarja, ka qëlluar me armë zjarri të tipit pistoletë në drejtim të Françesko Dushkut, 32 vjeç, i cili ka mbetur i plagosur.
32-vjeçari është dërguar me urgjencë drejt Spitalit të Traumës, ku mësohet se ndodhet jashtë rrezikut për jetën, ndërsa autori është larguar në drejtim të paditur.
