Mbi 3 000 zjarrfikës në Australi janë duke luftuar me zjarret shkatërruese që kanë përfshirë shtetin e ashtuquajtur Uellsi i Ri i Jugut. Gjendjen pritet ta përkeqësojnë më shumë temperaturat e larta dhe erërat e forta, deri në 100 kilometra në orë, që janë parashikuar për sot. Nga 59 zjarret që kanë përfshirë shtetin, 19 janë të pafrenueshme. Banorët janë evakuuar nga zonat e prekura, ndërsa të gjitha shkollat janë mbyllur. Zjarret në Australi, që janë të zakonshme në periudhën e verës, filluan vetëm javën e kaluar, por një situatë e tillë pritet të vazhdojë për më shumë se tre muaj.
"Kemi arritur të përparojmë pak, por është ende herët për të thënë se zjarret janë vënë nën kontroll. Një pjesë e mirë e zjarreve ende janë jashtë kontrollit ". Bari O'Farel , Kryeministër i Uelsit të ri të Jugut
"Tani është koha të merren parasysh paralajmërimet. Nëse nuk dini se çfarë të bëni, do t'u thosha banorëve që të marrin valixhet dhe të shkojnë menjëherë në zonat më të sigurta. Mos u mundoni të bëni heroizma, por lërini zjarrfikësit të bëjnë punën e tyre", deklaroi Majk Galaker , shef i Qendrës për Menaxhimin me Krizav. Alsat-M
