Një qendër e shërbimit shëndetësor e përhershme do të ngrihet në Shishtufinë, pranë ish repartit ushtarak tashmë të kthyer në banesa për 53 familje të komunitetit rom.
Ministri i Shëndetësisë Ilir Beqaj ishte sot i pranishëm tek këto familje për të vëzhguar nga afër gjëndjen shëndetësore të këtyre familjeve.
"Prej ditësh institucionet shëndetësore të Tiranës po përpiqen të ndjekin çdo ditë situatën shëndetësore të 53 familjeve që jetojnë këtu. "- tha Beqaj. Ai shtoi se sa i takon vaksnimit të fëmijëve ky është i kënaqshëm, ndërkohë që ministria e Shëndetësisë po merret me mbledhjen e kartelave të cilat janë të shpërndara nëpër disa qëndra të shërbimit shëndetësor për t'u vendosur në qendrën shëndetësore që mbulon këtë zonë.
