Lideri i Koresë së Veriut Kim Jong-Un ka përshëndetur ekzekutimin e xhaxhait të tij, muajin e kaluar, duke e quajtur atë "një pisllëk fraksionar". Në mesazhin për Vitin e Ri drejtuar vendit përmes televizionit shtetëror, Kim Jong-Un tha: "Partia jonë mori një veprim të palëkundur për të shfarosur... elementë llumi brenda saj, vitin e kaluar." Ai akuzoi edhe gjeneralin Jang Song-Taek, i cili dikur konsiderohej si njeriu i dytë për nga pushteti në Korenë e Veriut, se ishte përpjekur të ndërtonte një fraksion brenda partisë qeverisëse. Partia jonë e përjetshme, mori në kohë një vendim të duhur për spastrimin e elementëve kundërshtarë dhe anti-revolucionarë. Ky vendim çimentoi më tej solidaritetin brenda partisë tonë,-theksoi Kim Jong Un. Vdekja e gjeneralit Jang u deklaruar nga media shtetërore në 13 dhjetorin e kaluar. Duke e cilësuar atë si tradhëtar, televizioni thoshte në lajme se gjenerali Jang ishte ekzekutuar pas një gjyqi të veçantë ushtarak, për veprën "përpjekje e fshehtë për të përmbysur shtetin me të gjitha metodat intriguese dhe monstruose, i nxitur nga ambicia e egër për pushtet suprem të partisë dhe shtetit". Gjenerali Jang, i cili ishte parë shumë aktiv gjatë marrjes së pushtetit të Kim Jong Un, pas vdekjes së babait të tij Kim Jong Il, u shkarkua nga të gjitha postet, fillimisht nën akuzën e korrupsionit, përdorimit të drogës, kumarit, prostitutave etj. Por, Nga Koreja e Jugut dhe vende të tjera perëndimore, thonë se metodat janë tipike diktatoriale, si në vende të ndryshme, ku partia-pushtet ekzekuton cilindo që mendon ndryshe nga mendësia e saj. Admir Qose
