LSDM-ja publikoi skandal të ri mes qeverisë dhe televizionit Sitel. Partia e Zaevit pretendon se për fushatën e fundit të zgjedhjeve lokale që ka zgjatur 23 ditë, Qeveria ka derdhur 360 mijë euro në llogarinë e këtij televizionit. Në fletëpagesën e publikuar nga LSDM-ja thuhet se 22 milion denarët janë paguar për realizimin e fushatës.
"Nuk ka dyshim se Stadiumi i Qytetit pa numër është vendndodhja e Metastazës pa numë të Nikolla Gruevskit dhe Qeverisë së tij. Dëgjuat se si qeveria blen redaktorë. Ja se si qeveria blen mediume të tëra.. Vetëm për një ditë, 360 mijë euro për Sitelin. Qëllimi i pagesës, realizim i fushatës, tha Petre Shilegov, zëdhënës i LSDM.
Nga LSDM-ja akuzojnë VMRO-në për mashtrim dhe keqpërdorim të parave të popullit për të zhvillim të propagandave politike
"Çfarë fushate paguan qeveria më 1 mars, 23 ditë para zgjedhjeve? A po paguan qeveria për VMRO-DPMNE-në me para të qytetarëve? Nëse vetëm për një ditë Siteli merr 360 mijë euro, athërë kryeministër Gruevski sa para i jep qeveria televizionit Sitel në muaj për reklama kundër opozitës", u shpreh Petre Shilegov, zëdhënës i LSDM.
Ndërkohë Shilegov sërish kërkoi sqarime nga pushteti për skandalet e fundit lidhur me redaktorët e Sitelit, Ivona Talevska dhe Dragan Pavlloviq-LLatas, për tenderin me pajisjet mjekësore dhe pronat e shumta të Llatasit në adresën .Stadiumi i Qytetit. PN. Ndryshe që nga publikimi i skandaleve, nuk janë prononcuar në media as Ivona Talevska e as Dragan Pavlloviq Llatas. Ferikan Iljazi
