Shkallëzimi i ri i situatës në lindje të Ukrainës. Pak orë pasi forcat ukrainase morën nën kontroll aeroportin ushtarak me rëndësi strategjike, në mëngjes forcat pro-ruse u kundërpërgjigjën me pushtimin e ndërtesave në Donjeck. Siç transmetojnë mediat e huaja, rreth 20 separatistë të armatosur pushtuan Këshillin e qytetit dhe nuk i lejuan hyrjen, të punësuarve. Bëhet e ditur se automjete ushtarake me flamuj rusë kanë hyrë në qytetet e Ukrainës: Kramatorsk dhe Sllavjansk, ku gjithashtu pati pushtim të disa ndërtesa administrative. Përveç kësaj, aktivistët pro-rusë të "Anti-Majdanit" shpallën sot rajonin e vet - Republikën Popullore të Odesës. Në faqen zyrtare të Internetit, aktivistët njoftuan se në republikën e sapokrijuar, pushteti i takon popullit që jeton në territorin e vetë. Pas kësaj ngjarje, reagoi kryeministri ukrainas Arsenij Jacenjuk, i cili akuzoi se Rusia po për përdor forca të fshehta për të organizuar separatistët e armatosur, të cilët, sipas tij, sulmuan ushtarët ukrainas dhe pushtuan ndërtesa administrative. Shërbimet sekrete ukrainase sot publikuan edhe biseda se si shërbimet sekrete ruse nxisnin forcat pro ruse, për të hapur zjarr ndaj ushtarëve ukrainas. Situata nuk i duket aq dramatike presidentit rus Putin, i cili pa dhënë komente për ndërhyrjen e Rusisë, thotë se Ukraina është në luftë civile të brendshme. Nga ana tjetër, perëndimi po orvatet të thellojë sanksionet. Sanksionet u paralajmëruan nga BE-ja. Petar Bllazhevski
