Afrimi i festës së Pashkës po shoqërohet me shitjen e gjësë së gjallë në rrugët dhe trotuaret e qytetit të Korçës.
Me dhjetra tregëtarë të ardhur nga zona të ndryshme, tregtojnë në mënyrë të paligjshme dhe jashtë çdo standardi duke krijuar jo vetëm anomali nëpër trotuare por edhe një pamje të shëmtuar e shoqëruar kjo edhe me aromë të rëndë.
Per eliminimin e këtij fenomeni, Bashkia e Korçës ka nisur një aksion për largimin e tyre, aksion i cili ka shënuar edhe debate mes palëve.
Pavarësisht kundërshtimit të tregëtarëve, policia bashkiake ka qenë e vendosur në nismën e saj. Fenomeni i shitjes së kafshëve në Korçë në të tillla kushte nuk është i panjohur në raste festash.
