Lideri i LSDM-së Zoran Zaev vazhdon të publikojë afera korruptive për funksionarët e VMRO DPMNE-së. Zaev bëri të ditur se vetëm 3 muaj para shpalljes së zgjedhjeve presidenciale, në emër të VMRO DPMNE-së janë blerë banesa, shtëpi dhe hapësira afariste në vlerë prej 1.6 milionë euro. Zaev tha se gjysma e shumës ose 800 mijë euro janë pagur për pronën e blerë vetëm për 1 ditë, kurse sipas dokumenteve të kadastrës, blihej pronë e patundshme nëpër tërë vendin.
"Të pyes Nikolla Gruevski, si ke sukses vetëm ti, funksionatër tu dhe të VMRO-DPMNE-së të pasuroheni në kufijtë që e tejkalon logjikën e arsyes. A blen me ndershmëri Gruevski pronë në vlerë prej 1 milion euro vetëm për 2 ditë ose pronë prej 1.6 milion euro për tre muaj ose me marrjen e parave në dorë", tha Zoran Zaev, kryetarë i LSDM-së.
Zaev tha gjithashtu se Institucionet po heshtin edhe për raportin financiar të VMRO-DPMNE-së që për zgjedhjet në vitin 2011 tregoi një vrimë financiare përkatësisht kjo parti deri në mbarim të vitit 2011 kishte borxh prej 3.5 milion euro, ndërsa sot vetëm 3 vjet më vonë bëhet pronare e çdo gjëje në Maqedoni. Zaev u bëri thirrje Institucioneve të mos heshtin por ti zgjidhin të gjitha aferat e lidhura me garniturën në pushtet, pasi që siç tha, këtë nëse nuk e bëjnë ata, do të duhet ta bëjnë institucionet ndërkombëtare.
"Institucionet e sistemit që janë tërësisht nën kontrollin e Gruevskit po vërejmë se nuk po ndërmarrin asgjë dhe po vazhdojmë të apelojmë që të ndërmarrin veprime konkrete për të cilat janë angazhuar, kurse nëse jo, e din edhe Zvrlevski se bashkëpjesëmarrje është edhe ajo që e bën ai dhe në fund duhet të përfshihet faktori ndërkombëtarë", u shpreh Zoran Zaev, kryetar i LSDM-së.
Nëse nga prokuroria publike javën e kaluar thanë se menjëherë mbas festave do të prononcohen për aferën me para në dorë, që sipas opozitës i ka marrë personalisht Nikolla Gruevski, megjithatë prokurori publik Marko Zvrlevski refuzoi që të japë përgjigje.
"Po ju them se do kemi konferencë të rregullt për shtyp. Në atë konferencë do të thuhet gjithçka që duhet dhe që ju intereson. Asgjë nuk do fshihet. Do të mbahet së shpejti. Tani nuk do të komentoj", tha Marko Zvrlevski, prokuror publik.
Kryeministri Nikolla Gruevski kishte hedhur poshtë audio regjistrimin duke e cilësuar atë montazh klasik, ndërsa paralajmëruan padi ndaj Zoran Zaevit. Natasha Stojanovska
