Tirane- Videoja e pengmarrjes së 1999 publikuar dje në komisionin hetimor, ku opozita akuzon Artan Didin se ka vrarë pengun e Flamur Pislit është bërë objekt debati sot në Kuvend . Ministri Tahiri dhe deputeti i PS-së Taulant Balla mbrojti drejtorin e Policisë së Shtetit, ndërkohë që PD tha se ai duhet të vihet para ligjit.
Ja debati
Ministri Tahiri: Po i jepni kurajo krimit
"Kur do mblidhni mëndjen e të mos i jepni kurajo krimit dhe të përdorni foltoren e Kuvendit për të përkrahur policinë e shtetit?! Mos kini merak, se edhe po t'i dilni në krah një krimineli apo pengmarrësi ju siguroj që do të kenë gjithmonë punonjës policie që do të vënë drejtësinë në vend qoftë edhe duke vrarë keqbërësit."
Ristani: Didi para ligjit vrau të pafajshëm
"Detyra e policisë është të kapë keqbërësit, jo të vrasë njerëz dhe aq më tepër të pafajshëm. Aty është vrarë një qytetar grek i pafajshëm përveç pengmarrësit. Ky njeri jo vetëm që nuk është hero por duhet të jetë në bankën e të akuzuarve."
Balla: S'ju vjen turp, hileqarë e pijanecë
"Ajo është hetuar dy herë. Zoti Didi nuk është fajtor për këtë cështje. Mbyllet ëktu balta juaj e turpshme. Nxirreni atë video ku ai është përballur me një element të Al Kaedës ku dhe është plagosur. S'ju vjen turp. Silluni si shtetarë dhe jo hileqarë, për atë që bëtë dje dhe ky pijaneci bën sot. Ku ishit ju 8 vjet me radhë. Cështja është hetuar dhe ka marrë fund. Më coni dhe televizoret e oborrit e më nxisni gjakmarrjen. Distancohuni nga budallalliqet e Flamur Nokës e Arben Ristanit. Nuk është kjo PD që ka bërë sot."
