Në kuadër të procesit të dekriminalizimit, Ministri i Drejtësisë, Nasip Naço u ka dërguar një shkresë zyrtare vendeve anëtare të Këshillit të Evropës dhe Shteteve të Bashkuara për të kërkuar informacione mbi të dhënat penale të shqiptarëve, që kanë qenë objekt i shqyrtimit apo i regjistrimit në zyrën e gjendjes gjyqësore të këtyre shteteve.
Ministri Naço thekson se informacioni që do të sigurohet do t?i shërbejë përmirësimit të sistemit për mbajtjen e rekordeve penale, përditësimit dhe mbrojtjes së këtyre të dhënave, si dhe rritjes të besimit të publikut në veprimtarinë e organeve të shtetërore, institucioneve të pavarura apo të administratës publike.
Baza e të dhënave të përditësuara do shërbejë për evidentimin e shtetasve shqiptarë që janë proceduar apo janë gjykuar në shtetet respektive për çështje të ndryshme penale apo administrative.
