Biznesmenët e zonës industriale në Vizbeg u ankuan sot tek ministri i Ekonomisë Valon Saraçini. Bëhet fjalë për 200 kompani me një qarkullim vjetor prej 200 milionë eurosh dhe me rreth 3 000 të punësuar. Meqenëse askush nga qeveria nuk ishte interesuar më parë, për kushtet që punojnë dhe problemet me të cilat ata përballen, sot ata i drejtuan një varg kërkesash ministrit Saraçini.
"Kur flas për problematik të infrastrukturës në të gjitha lëmit, qoftë ajo e kanalizimit, ujësjellësit dhe energjetikës me një tendencë që ne të krijojmë mundësi që të jemi sa e mundshme më të suksesshëm në mënyrë që nesër kur të jemi anëtarë ët BE-së produktet tona të jenë konkurrente në tregun evropian dhe më gjerë", d deklaroi Taip Jakupi, Shoqata e biznesmenëve të zonës industriale Vizbeg.
Pas takimit thuajse një-orësh me biznesmenët, ministri Saraçini premtoi se për problemet e infrastrukturës me të cilat përballen kompanitë, do të kërkojnë takim urgjent me kryetarët e tri komunave Butel, Karposh dhe Çuçer-Sandevë, nën juridiksionin e të cilave është kjo zonë ekonomike. Ndërsa në mënyrë shtesë, Saraçini garantoi se do të angazhohet edhe për zgjidhjen e problemit të energjisë.
"Bëhet fjalë për një zonë cilësore, për një zonë të që ka domethënie të madhe për përforcimin e konkurrencës së ekonomisë vendore dhe unë si ministër caktova një takim me afarasitët të cilët punojnë në këtë zonë industriale me qëllim që të dëgjoj kërkesat dhe problemet e tyre themelore. Shumica nga problemet veç më kanë hy në procedurë qeveritare dhe unë si ministër premtova madje javën e ardhshme t'iu përgjigjem me përgjigje konkrete në bazë të kërkesave të tyre me qëllim që t'ju ndihmojmë që problemet e vogla që i kanë t'ju ndihmojmë që të zgjidhen në një afat shumë të shkurtë", tha Valon Saraçini, Ministër i Ekonomisë.
Po ashtu, biznesmenët e kësaj zone industriale u ankuan se deri tani, askush prej tyre nuk mori mbështetje nga Banka Maqedonase për Zhvillim, pra të përfitonte kredi më të lira. Nga arsyet ishte edhe fakti se shteti duhet të ofronte më shumë informacione për mënyrën e aplikimit për këto kredi. Natasha Stojanovska
