TIRANË - Në një kohë kur deputeti kristiandemokrat Mark Frroku ka munguar për 7 muaj në Kuvend, e vetmja që vendos për fatin e mandatit të tij është Gjykata Kushtetuese. Por më parë duhet të jetë Kuvendi i Shqipërisë që t?i bëjë kërkesë kësaj gjykate për interpretim. Kushtetuta e Shqipërisë saktëson në nenin 71 të saj se ?deputeti humbet mandatin e tij kur mungon pa arsye mbi 6 muaj rresht në kuvend?.
Heqja apo jo e mandatit të Frrokut në fakt lë vend për interpretime të ndryshme ligjore. Juristi Sokol Hazizaj sqaron teknikisht se në këto raste e vetmja që ka fuqinë e interpretimit është kushtetuesja.
?Sa kohë nuk ka vullnet individual dhe urshtrim të kushtetutës dhe Kodit Zgjedhor nuk parashikojnë ndërprerjen e mandatit për qënien e deputetit në proces hetimi, pra i padënuar me vendim të formës së prerë. Çdo lloj impenjimi tjetër qoftë edhe i mbrojtjes ligjore të zotit Frrokut, qoftë dhe atij indiviualisht për të ndërprerë mandatin ose për të konstatuar ndërprerjen e mandatit për shkak të urdhërimeve ligjore të kushtetutës dhe të kodit zgjedhor janë të pa ligjshme. Ndërprerja e mandatit nuk ndodh. Ky është një kazus së cilës nuk i ka dhënë zgjidhje gjykata kushtetuese. A ka zgjidhje, nëse ka zgjidhje është gjykata kushtetuese e cila interpreton raste të tilla siç është dispozita referuese neni 71 dhe më pas i kushtetutës dhe nenit repsektiv në kodin zgjedhor?, thotë Hazizaj për Report TV.
Mark Frroku është arrestuar më datë 2 prill të këtij viti, për herë të dytë pas akuzave të ngritura në adresë të tij për një vrasje në Belgjikë. Kjo ka qenë data e fundit kur Frroku ka marrë pjesë në një seancë plenare duke munguar për 7 muaj.
