اللہ کے مہمانوں کا لحاظ
حج میں میرے چند چھوٹے چھوٹے درس ہوئے ،ایک بات میں نے بہت زیادہ حجاج کرام کی خدمت میں عرض کی۔وہ یہ عرض کی کہ پورے سفرمیں اللہ پاک نے سیاہ وسفیدحسن سارا کھول کررکھ دیا ہے اوراگرہم یہیں اپنی نظروں کو بچا بچاکرچلتے چلتے اپنی منزل پرپہنچ جائیں تواللہ پاک سے عرض کردیں کہ یااللہ میں تھا توکمزور،خطائیں بہت ہیں ،تیربچ تونہ سکیں مگرمیں نے نشانے نہیں ڈالے تھے اورمولا اس لیے کہ تیرے مہمان تھے۔
حاجی کس کامہمان ، اللہ کا۔ مولا میں نے تیرے مہمانوں سے حیا کیا اورایک وقت آئے گا کہ میں تیرا مہمان بنوں گا، موت کاقیدی بن کر۔ مولا موت کاقیدی بن کرتیرا مہمان بنوں گا اوربے بس ہوں گا ، موت کے شکنجے میں جکڑا ہوا بے بس ہوں گا ،مردہ بدست زندہ، مجھے کاٹیں، مجھے جلائیں، مجھے دبائیں ، مجھے گھیسٹیں ، مولا میں بے بس ہوں گا ۔ میت بے بس ہوتی ہے۔ میں تیرامہمان ہوں گا، میں نے تیرے مہمانوں کالحاظ کیا اس وقت تومیرا لحاظ کردینا۔
میں نے تیرے مہمانوں کا خیال کیاتومیرا خیال کرنا۔ میں نے ایک بندے سے یہ باتی کہی ، مجھے چند دن بعدایک بندہ ملا اس نے کہا آپ نے ایک بات کہی تھی ، اوراس بات نے میرے دل کو چیرکررکھ دیا اوراس دن سے میں نے اس کی سخت قسم کی مشق کی ہے کیونکہ آپ نے ایک طمع دیا ہے۔
