Flotilja e peshkimit ne Durrës ndodhet thuajse ne prag të falimentimit. Nga 128 anije peshkimi, që numëron flota, 75 prej tyre prej muajsh nuk kanë dalë në det. Peshkatarët thonë se çmimi i naftës, si dhe kostoja e larte e riparimit te mjeteve në mungesë të kantierit detar, i ka lënë peshkarexhat pa pune. Ata tregojnë se për të nxjerrë një anije për gjueti nevojiten rreth 200-300 litra naftë dhe ne shume raste gjahu nuk e shlyen shpenzimin. Mos dalja e dhjetëra peshkarexhave ne det është reflektuar edhe me çmimin e peshkut ne treg. Një kg shitet nga 500-1200 leke sipas kategorisë, afërisht me një rritje 25-30%. Ndërsa afrohet sezoni turistik, situata ne sektorin e peshkimit ne Durrës nuk duket aspak premtuese. Edhe ne dite me mot te mire, nuk dalin për gjueti me shume se 12 anije peshkimi. Socialistet ndërkohë, premtojnë zgjidhje te problemeve me te cilat hasen peshkatarët. Koordinatori për bujqësinë ne Partine Socialiste, Agron Duka ka prezantuar gjate një takimi ne Shëngjin edhe platformën. Veç vënies ne funksion te skemës se naftës pa akcize, parashikohet edhe ndërtimi i njësive te posaçme te shitjes si dhe restaurimi i porteve te peshkimit. Peshkimi është mënyra e sigurimit te jetesës për mijëra familje ne mbare vendin.
