Skandalet ne Ministrinë e Mbrojtjes dhe ne mënyrën se si strukturat e këtij institucioni punojnë, janë mese flagrante. Te gjithë e mbajmë mend debatin me te fundit mes ish-presidentit te vendit Bamir Topi dhe ministrit te Mbrojtjes, Arben Imami, për emërimin e komandantit te Forcës Detare, Ferdinand Kreshpani, duke shmangur dekretin e kreut te shtetit. Mirëpo, cila ka qene veprimtaria e kapitenit te rangut te pare ne drejtimin qe ai i ka bere flotiljes detare jugore, veprimtari pas se cilës ai u shpërblye me emërimin e tij ne detyrën e komandantit te Forcës Detare, emërim nga i cili Ministria u tërhoq disa dite me vone, duke i shtuar listës se skandaleve edhe këtë emërim. Komandant Kreshpani ne një detyre te rëndësishme qe iu dha ne mirëbesim, ka kryer zbatimin e kontratës për shitjen e tre nëndetëseve. Ne një shkrese qe "Vizion Plus" ka siguruar, e protokolluar me nr 65/1 te datës 13.01.2012, del ne pah se kontrata për shitjen e tre nëndetëseve nuk është realizuar ne masën 100 % por vetëm 81 %. Sipas kontratës, sasia e skrapit çelik duhet te ishte 1830 tone dhe skrapit Bronx 3 tone. Në vlerë, ky realizim i kontratës përbën afërsisht 35 milionë lekë me TVSh. Sipas parashikimit shuma e kontratës me TVSh ishte afërsisht 43 milionë lekë. Mirëpo në këtë shkresë thuhet se vlera është përllogaritur gabim, pasi nga llogaritja tjetër që grupi i punës ka bërë, shifra e saj, e llogaritur me TVSh, duhet të ishte afro 42 milionë lekë. Rrjedhimisht realizimi faktik i kësaj kontrate është në vlerën 83 %. Por cilat janë arsyet me te cilat argumentohet mos realizimi i të ardhurave. Thuhet se kororzioni i shkaktuar nga qëndrimi për më shumë se 25 vjet në ujë i nëndetëseve pa bërë dokim të tyre, ka sjellë edhe humbje te peshës së skrapit. Kondrapeshat e rena ne det, qe kane dëmtuar veshjen e trupit te jashtëm, vjedhja e disa aparaturave, e te dhëna te tjera qe nuk posedohen, si për shembull trarë druri, rafte, etj dhe humbja e një sasie skrapi gjate procesit te prerjes. Këto janë disa nga arsyet qe kane çuar ne mos realizimin e kësaj kontrate ne vlerën e saj totale, mirëpo ajo qe te bie ne sy është fakti, sesi mundet një institucion te caktoje marrëveshje me vlere te tille financiare, pa u njohur ende me kushtet ne terren, sesi mundet ky institucion te mos ngrejë pikëpyetje e ti sqaroje me pare ato? Si mundet qe kontratat nuk realizohen ne masën 20 % te tyre. Megjithatë shpërblimi qe i ka ardhur komandantit te forcës se pare ne flotijen detare jugore Ferdinand Kreshpani, ka qene emërimi ne drejtimin e forcës detare. Pas betejës mes presidencës se z. Topi dhe ministrit Imami, ky i fundit u tërhoq duke e bere vetëm zv/komandat z. Kreshpani, por ende ne këto momente ai ka te drejtën e firmës, pasi forca detare nuk ka akoma një komandant ne krye.
Scandals in the Ministry of Defence and how structures work of this institution, are quite blatant. All of us remember the last debate between the country's former president Bamir Topi and the minister of Defence, Armed F...
