Për te s'kualifikuar firmat qe dorëzuan dokumentet për tenderin e uniformave ushtarake, Ministria e Mbrojtjes përdori shume rruge antiligjore. "Vizion Plus" ka siguruar korrespodencën e një shoqërie me ministrin Imami dhe grupit te ngritur prej tij.
Sipas grupit te punës, shoqëria "Elas shpk" nuk ka studiuar shtojcën e modifikuar te dokumenteve te tenderit. Dhe këtu ata i referohen kërkesave te veçanta, qe janë 4 certifikata "ISO", qe përfaqësojnë standardet ndërkombëtare për menaxhimin e cilësisë. Por ne fakt nuk janë ISO-t, organizata ndërkombëtare e standardizimit ato qe garantojnë cilësinë e materialeve qe prokurohen. Ligji i Prokurimit është miratuar ne 2006, ndërsa ISO si kritere te veçanta te kualifikimit u vendosen ne vitin 2008, e nuk ka si te jene parashikuar ne ligj. Skandali thellohet edhe me tej, kur vete Ministria e Mbrojtjes ne këtë shtojce te dokumenteve për firmat konkurruese pasi dështoi tenderi i pare, zhvlerëson standardin ndërkombëtar për cilësinë. Shoqëria ankohet gjithashtu për shtimin e specifikimeve teknike qe autoriteti kontraktor te kryeje analizat mbi mostrat. Por megjithëse ne procedure tenderimi shoqëria dorëzon deklaratën e konformitetit, çka do te thotë se mban përgjegjësi ligjore për cilësinë e mallit, i kërkohet shtese edhe analize për mostrat. Ligji specifikon se analiza e mostrës kryhet vetëm pasi te jene përzgjedhur 2 cope nga mallrat e prodhuara. Firmat hyjnë ne tender për mallrat dhe jo për mostrat. Ne piken 3, shoqëria "Elas shpk" kërkon te prokurohet veçmas për blerjen e uniformave dhe veshmbathjeve. Dhe shoqëria e mbështet natyrshëm kërkesën tek vendimi i qeverise për blerje mallrash. Ne piken 1 te tij ndahen veçmas lënda "Blerje uniformash" dhe "Blerje këpucësh". Ndërsa grupi i punës i ngritur nga ministri Imami thotë se përcaktimi i llojit te procedurës se prokurimit bazohet ne VKM Nr. 614, date 7 shtator 2011. Por çfarë është kjo VKM e përdorur për te s'kualifikuar firmën nga tenderi? Çuditërisht, referenca e këtij vendimi qe ne titull ka lidhje me ligjin për statusin e ushtarakut dhe jo me tenderët apo blerjet. Mbi këto argumente, ministri i Mbrojtjes, Arben Imami, me vendimin e datës 26 qershor 2012, e rrezoi ankesën e operatorit ekonomik, duke i hapur rruge kështu përzgjedhjes se firmës se tij preferenciale për te fituar tenderin e uniformave për 7 vitet e ardhshme.
