Shtetet e Bashkuara te Amerikës pozicionohen kundër zhvillimit te një referendumi për miratimin e 3 ligjeve qe kërkohen nga Komisioni Europian per marrjen e statusit te vendit kandidat.
Gjate nje bashkëbisedimi ne rrjetin social facebook ambasadori amerikan ne Tirane Aleksander Arvizu, ka mbështetur qëndrimin e komisionerit per zgjerimin Stefan Fule, i cili deklaroi se referendumi nuk është mënyra e duhur per te plotësuar kushtet e Brukselit, pasi eshte ne kundërshtim me frymën e përfshirjes dhe nuk nguroi ta cilësonte nismen "populiste". "Komentet e Komisionerit Fule i japin përgjigje pyetjes tuaj me mire se çdo gje qe unë mund te them." Pjesa kryesore e bashkëbisedimit te diplomatit amerikan u përqendrua tek zgjedhjet e 23 qershorit. Ambasadori kerkoi nga te gjithe aktoret te kontribuojnë per rritjen e besimit te publikut tek procesi, pasi sipas tij shqiptaret meritojnë zgjedhje te lira e te ndershme. Sipas ambasadorit Arvizu procesi i numërimit te votave eshte veçanërisht i rendesishem dhe vonesat ne kete proces jane te papranueshme. "Gjate zgjedhjeve presidenciale ne Shtetet e Bashkuara, rezultati u përcaktua disa ore pasi qendrat e votimit u mbyllen dhe mbi 100 milionë njerëz votuan. Gjate zgjedhjeve lokale te 2011-ës, une isha prezent ne disa raste ku partitë politike ishin përgjegjëse per ndalimin e numërimit te votave. Kjo është e papranueshme. Kjo nuk sjell rritjen e besimit te publikut ne integritetin e procesit te numërimit te votave. Sa me shume njerëz te kene besim ne integritetin e këtij procesi, aq me shume ka gjasa qe ata nuk do te kontestojnë rezultatin e zgjedhjeve." Ambasadori amerikan mbështeti edhe kufizimin e mandateve per drejtuesit e qeverise dhe pushtetit vendor duke sjelle edhe shembullin e Shteteve te Bashkuara. "Ne Shtetet e Bashkuara, kufizimi i mandateve, nëse ekziston, per zyrtaret qeveritare dhe lokale, përcaktohet ne mënyrë lokale. Ne rastin e Presidentit, ashtu siç mund ta dini, Neni 22 i Kushtetutës i kufizon kandidatit deri ne 2 mandate. Ky është nje parim demokratik, i cili mbështetet dhe pranohet gjerësisht ne Shtetet e Bashkuara."Ambasadori amerikan ne Tirane paralajmëroi se zgjedhjet e 23 qershorit do te monitorohen nga afer nga Shtetet e Bashkuara dhe zhvillimet gjate përgatitjes se procesit dhe shpallja e rezultateve do te pasqyrohen ne nje raport.
