Çertifikimi i zgjedhjeve parlamentare te vitit 2009 nga KQZ, nxori fituese koalicionin " Aleanca për ndryshim". Në rang vendi PD bashkë me 12 parti aleate, arriti të sigurojë në rang vendi, 712.745 vota duke arritur të sigurojë 70 mandate deputetësh ne parlament. Vetë PD mori 68 mandate, ndërsa 2 të tjerat brenda koalicionit i siguroi nga PDIU dhe PR .Koalicioni " Bashkimi për Ndryshim", ku përfshihej PS me 5 parti , arriti te sigurojë në rang vendi 688.748 vota, të përkthyera në 66 mandate deputetësh, edhe pse PS nuk e njohu rezultatin përfundimtar të certifikuar nga institucioni zgjedhor .Koalicioni " Aleanca Socialiste për Integrim " arriti të sigurojë 4 mandate për parlamentin e dalë pas zgjedhjeve te 28 Qërshorit 2009, pasi kishte siguruar bashkë me 5 parti të tjera, 84.407 vota. Sipas rezultateve te KQZ, 1 milion 519.176 vota ishin te vlefshme për të plotësuar 140 vendet ne parlament. Në bazë qarqesh, mandatet u ndanë në këtë mënyre. Berati PS arriti të marrë 4 mandate, PD 3 dhe LSI 1. Në qarkun e Dibrës, PD mori 4 deputete, PS 2 mandate. Në qarkun e Durrësit demokratet morën 7 mandate ndërsa socialistët 5 mandate dhe 1 LSI. Në qarkun Elbasan PS dhe PD morën nga 7 mandate. Ne Fier 9 mandate shkuan për socialistet, 6 për demokratët dhe 1 për LSI. Në qarkun e Gjirokastrës, PD mori 2 dhe PS 3. Në Korçe 6 PS dhe 6 PD. Kukësi garantoi 3 mandate për PD dhe 1 për PS, ndërsa Lezha doli 3 mandate për PS dhe 4 për PD. Vlora u nda ne zgjedhjet e 2009 ne 6 mandate për socialistet dhe 4 mandate për demokratet, 1 mandat për PBDNJ dhe një për PDIU. Ndërsa ne Shkodër fitoi 7 mandate PD dhe 4 PS. Kryeqyteti doli u nda ne mënyrë te barabarte mes socialisteve dhe demokrateve 15 me 15 deputete ndërsa LSI mori një mandat deputeti.
