http://www.vizionplus.tv
https://facebook.com/VizionPlusTV
https://twitter.com/VizionPlusTV
Brenda 90 ditëve do te prishet çdo ndërtim pa leje ne Tirane! Kështu u premtoi kreu i policisë bashkiake Florenc Hoxha qytetareve te kryeqytetit ne 4 gusht te këtij viti. Kur mbetet edhe një muaj kohe nga përfundimi i afatit qe bashkia i vuri vetes, ne kryeqytet vijojnë prishjet por jo me ritmin e nisur. Sot radhën e kishte një objekt ne rrugën e Durrësit. Kane mjaftuar vetëm pak ore qe kioska e vjetër te hidhet ne toke. Pronaret e objektit deklarojnë se dyqani ka ekzistuar qe ne vitet 80 dhe është privatizuar prej tyre ne 1992. Pronaret e dyqanit akuzojnë Bashkinë e Tiranës për padrejtësi. Ata thonë se objekti i tyre u shemb për te favorizuar një biznes tjetër i cili është ngritur ne shtesën e nje pallati te hershem ne rrugën e Durrësit. Policia bashkiake nuk ka pranuar te beje komente për ndërhyrjen e radhës. Ndërkohë nënkryetari i ri i bashkise Eno Bozdo, gjate një aksioni për heqjen e shtyllave elektrike nga rrugët brenda lagjeve, la te kuptohet se ende nuk është njohur me detyrat dhe afatet e deklaruara tashme nga vartësit e tij. Ne 4 nëntor përfundon afati qe kreu i policisë bashkiake Florenc Hoxha i vuri vetes për prishjen e te gjitha ndërtimeve pa leje ne Tirane. Bashkia nuk ka publikuar asnjëherë numrin e ndërtimeve te paligjshme ne kryeqytet dhe as objekteve te shembura deri tani. Mbetet te presim fillimin e nëntorit për te pare se sa do te mbahet premtimi i bashkisë kundër informalitetit, për lirimin e hapësirave publike me moton se qytetari është i pari.
