http://www.vizionplus.tv
https://facebook.com/VizionPlusTV
https://twitter.com/VizionPlusTV
Partia Demokratike ka depozituar pranë Komisionit Qendror te Zgjedhjeve kërkesën per pavlefshmërinë e procesit te zhvilluar ne 3 nëntor për kryetarin e bashkisë Korçe. Ashtu siç ishte paralajmëruar Nënkryetari i Komisionit te Ligjeve, Oert Bylykbashi, ka dorëzuar ne protokollin e KQZ ankimin për Korçën ku arsyetohet se fenomeni i blerjes se votës i faktuar nëpërmjet pamjeve filmike te transmetuara ne emisionin "Fiks Fare" bën te nevojshëm përsëritjen e zgjedhjeve. Nga ana tjetër Partia Demokratike ka kërkuar ne konferencën e kryetareve te grupeve qe seanca plenare e se enjtes te jete një seance e posaçme debati për fenomenin e blerjes se votës ne Korçe, por kjo është hedhur poshtë nga shumica parlamentare. Tashme pritet te formalizohet edhe kërkesa e PD për ngritjen e një komisioni hetimor për zgjedhjet ne Korçe, e cila përben kërkesën e pare te opozitës për një komision hetimor por qe ne fakt kërkesa për ngritjen e komisioneve hetimore për problematiken zgjedhore janë bere vazhdimisht nga opozita e radhës.Forumi Rinor Eurosocialist ne Korçe ka dorëzuar ne Prokurori listën e studenteve qe ditën e diel iu rimbursua bileta e udhëtimit. Sipas FRESH-it ky rimbursim është bere me qellim qe t'u lehtësohej kostoja e transportit për te ushtruar te drejtën e votës dhe nuk ka lidhje me blerjen e votës.
