http://www.vizionplus.tv
https://facebook.com/VizionPlusTV
https://twitter.com/VizionPlusTV
Historia e trafikut të drogës dhe bllokimi i një avioni në Divjakë, ishin kryefjala e një takimi që zhvilloi Kryeministri Rama ne krah të ministrit Saimir Tahiri, me përfaqësuesit e policisë së shtetit. Rama ka deklaruar se qeveria do të qëndrojë në krah të policisë në këtë kohë akuzash politike, por ka paralajmëruar edhe reforma të thella strukturore që do të shoqërohen me ndryshime ligjore, duke nisur nga byroja kombëtare e hetimit. Sipas Ramës në këta 9 muaj është bërë shumë, por ende nuk është arritur që të priten plotësisht lidhjet e krimit me strukturat e policisë. Rama ka kërkuar nga organet e tjera si Prokuroria dhe KLD që të jenë në lartësinë e duhur në luftën kundër krimit të organizuar dhe korrupsionit, ndërsa u ka premtuar mbështetje të gjitha punonjësve të policisë. Ndërsa Ministri i Brendshëm Saimir Tahiri ka paralajmëruar masa të forta ndëshkuese për cilindo që do të tentojë të kultivojë drogë në territorin e vendit. Edhe një ditë më parë kryeministri Rama dha mbështetjen e tij për policinë e shtetit dhe Ministrin Tahiri.
