http://www.vizionplus.tv
https://facebook.com/VizionPlusTV
https://twitter.com/VizionPlusTV
Dy ditë para se Komisioni Europian te publikoje rekomandimin për statusin e vendit kandidat, Italia ka treguar serish se mbetet një prej mbështetësve më të fortë për integrimin e Shqipërisë. Gjatë një vizite në bashkinë e Fierit, ambasadori italian në Tiranë, Massimo Gaiani ka vënë në dukje se qershori është një muaj i rëndësishëm për vendin tonë duke përsëritur se Italia beson se këtë hërë Shqipëria duhet ta marrë statusin e kandidatit. Italia ka mbështetur dhënien e statusit të kandidatit edhe në muajin dhjetor të vitit të kaluar atëherë kur 5 vende anëtare të BE kërkuan më shumë kohë për të marrë një vendim për Shqipërinë. Vota e këtyre vendeve, Gjermani, France, Britani, Danimarke e Holande ka serish një rol kyç edhe në vendimin e qershorit, veçanërisht tashmë që pritet që për të dytën herë komisioneri Stefan Fule të japë një rekomandim pozitiv për Shqipërinë. Këto javë të qershorit pritet të jenë të mbushura me zhvillime, në 4 qershor vetë Komisioneri Fyle do të jetë në Tiranë për të marrë pjesë në takimin e tretë të dialogut teë nivelit të lartë dhe ana tjetër Kryeministri Rama do të vizitoje Parisin në11 qershor, një vizitë kjo që vjen pas takimeve në Gjermani dhe Holande, në përpjekje për të bindur vendet skeptike se Shqipëria e meriton statusin.
