http://www.vizionplus.tv
https://facebook.com/VizionPlusTV
https://twitter.com/VizionPlusTV
Një ditë pasi PDK iu drejtua Gjykatës Kushtetuese lidhur me zgjedhjen e kreut të ri të parlamentit Isa Mustafa, ky i fundit është përgjigjur duke sulmuar politikisht partinë e Hashim Thaçit. Duke folur në një koment në Facebook, Mustafa tha se në vend që ti adresohet kushtetueses, PDK duhet t'i kuptojë arsyen pse është izoluar politikisht. "Kam besim të plotë se Gjykata Kushtetuese do ta trajtoj në mënyrë të paanshme dhe profesionale lëndën e parashtruar nga PDK. Por jam shumë i bindur se PDK do të duhej ti adresohej vetvetes, dhe t'ia shtroj pyetjen: pse nuk i pati me veti 83 deputetë për ta përkrahur, por mbeti vet me 37 deputetë. Këtë përgjigje nuk mund ta merr nga gjykata kushtetuese, sepse kjo është përgjigje politike". Pasditen e të premtes nënkryetari i partisë Xhavit Haliti dhe deputeti Memli Krasniqi dorëzuan në Gjykatën Kushtetuese kërkesën për interpretim lidhur me zgjedhjen e Isa Mustafes si kryeparlamentar. Ky i fundit u votua me 65 vota pro.
