http://www.vizionplus.tv
https://facebook.com/VizionPlusTV
https://twitter.com/VizionPlusTV
E vetmja gjë që është provuar është se dy të arrestuarit kanë bashkëpunuar me njëri-tjetrin megjithëse kjo nuk është pohuar gjatë deklarimeve të tyre para gjykatës dhe prokurorisë. Ndërsa gjatë ditës sotme hetuesit kanë zhvilluar një analizë në prokurorinë e përgjithshme në lidhje me vazhdimësinë e hetimeve dhe marrjen në pyetje të personave që kanë përgjegjësi. Mësohet se hetimi po kryhet në skemën e një rrethi që vjen duke u ngushtuar , që nga dëmi monetar te rregullorja e bankës, sistemi i sigurisë, auditit e deri në faktin se pse nuk janë zbatuar rregulloret. Rëndësi po i kushtohet sistemit të sigurisë në bankë dhe për këtë janë sekuestruar kamarat e sigurisë së ambientet ku ruheshin karmonedhat. Prokuroria dyshon se janë përdorur dy skema për vjedhjen e miliona dollarëve. E para është ajo e vjedhjes nga kutitë me leke qe vinin nga Zvicra, te cilat hapeshin e vidheshin, ndërsa paratë zëvendësoheshin me libra, duke e lëne peshën e tyre te njëjtë. Skema e dyte është ajo e vjedhjes dhe hedhjes ne qarkullim te kartëmonedhave te dëmtuara, te cilat i nënshtrohen procedurës se asgjësimit. Prokuroria ka tashme te arrestuar 2 punonjësit Ardian Bitraj dhe Mimoza Bruzia ndërsa rrethi i te arrestuarve pritet te zgjerohet pas përfundimit te auditit brenda javës. Bitraj ka pohuar supervjedhjen, duke pretenduar se leket i ka luajtur dhe humbur ne bixhoz, por kjo gjë qe është e pabesueshme për grupin hetimor i cili po verifikon te gjitha kontaktet e te arrestuarve për te kuptuar se cili është destinacioni i vërtetë i parave. Një jave me pare, auditi i brendshëm i bankës se Shqipërisë, ne momentin qe ka tentuar te beje inventarizimin e parave qe do te asgjesoheshin ka konstatuar mangësi ne pakot e mbushura me para. Për këto vjedhje dyshohet si bashkëpunëtore edhe përgjegjësja e arkës, Mimoza Bruzaj, gjithashtu e arrestuar me vendim gjykate.
