http://www.vizionplus.tv
https://facebook.com/VizionPlusTV
https://twitter.com/VizionPlusTV
Të gjithë konsumatorët familjarë të cilët nuk kanë paguar në vite faturat e energjisë dhe janë debitorë pranë kompanisë së shpërndarjes, tashmë kanë një mundësi të re pagese. Gjatë një inspektimi në terren me drejtorin e ri të OSHEE-së, ministri i energjisë Damian Gjiknuri tha debitorët mund të shkojnë që sot në zyrat e kompanisë dhe të lidhin kontratë që në faturën e çdo muaji të vijë shtesa e një pagesë prej 2500 lekësh, deri në momentin që të shlyhet debia. Për familjet që janë me ndihmë ekonomike shuma është 1 mijë lekë të rinj, ndërsa ata që paguajnë të gjithë borxhin brenda datës 1 mars 2015-të do të përfitojnë 80% zbritje të kamatëvonesës. Ministri tha se arsyet përse po bëhet ky tolerim është që të gjithë konsumatorët të kenë mundësi të paguajnë energjinë elektrike, përfshirë këtu dhe familjet e varfra. Bizneset nuk do të kenë këtë përfitim, ata do të vijojnë të paguajnë me këste energjinë elektrike. Konsumatorët familjatrë të cilët janë debitorë dhe për shkak të këtij borxhi i është ndërprerë energjia elektrike, nëse bëjnë këtë marrëveshje, ajo do të rilidhet. Sipas ministrisë së energjisë, në harkun kohor të dy viteve pritet që t mbyllen borxhet që qytetarët kanë ndaj OSHEE-së.
