http://www.vizionplus.tv
https://facebook.com/VizionPlusTV
https://twitter.com/VizionPlusTV
Nuk jane vetëm qytetarët të cilët në shumë raste nuk shlyejnë faturat, pasi nuk kanë të ardhura të mjaftueshme apo një punë. Shqipëria ka një faqe tjetër e cila tregon se vetë drejtuesit vendorë nuk kanë paguar në vite dritat. Drejtori i Përgjithshëm i OSHEE-së, Ardian Çela e konsideroi një shifer skandaloze 670 mijë dollarët që kryekomunarët kanë borxhe ndaj kompanisë së shperndarjes. Çela paralajmëroi se do të merren nisma deri në ndjekje penale, por edhe do i propozohet qeverisë shkarkimi i tyre. Kreu i OSHEE-së, tregoi edhe faturën e kreut të komunës Lazarat, Dasho Alikos i cili për vite nuk pagoi energjinë elektrike dhe sot ka një borxh prej 147 mijë dollarësh. Sipas Çelës tashmë po paguajnë edhe qytetet të cilat kanë qënë debitorët më të mëdhenj. Tropoja mesatarisht mblidhte 3 milion lekë arkëtime në muaj. Ndërsa vetëm për 12 ditët e para të dhjetorit, vlera e faturave që është derdhur në zyrat e OSHEE-së, është 26 milion leke. Ditën e hënë kompania e shpërndarjes do të hapë edhe 21 sportele të reja për të përballuar fluksin.
