http://www.vizionplus.tv
https://facebook.com/VizionPlusTV
https://twitter.com/VizionPlusTV
Edhe pse vuan pasojat e krizës ekonomike, biznesi i ndërtimit sërish përpiqet që të sjellë për qytetarët produkte inovatore të cilat kanë shumë pak muaj që qarkullojnë edhe në vendet e Evropës Perëndimore. Por pavarësisht kësaj, ndërtimi sot në Shqipëri është sektori më i prapambetur në fushën e shit-blerjeve. Kreu i shoqatës së ndërtuesve Artan Dulaku, gjatë një takimi me anëtarë të shoqatës për të promovuar produktet e reja të një kompanie private, tha se ende dhe sot, një apartament vlerësohet në bazë të sipërfaqes dhe jo të cilësisë së tij. Duke njohur në brendësi problematikën e këtij sektori, por edhe të ndërtimit të rrugëve jashtë standardeve, ministri Edmond Haxhinasto tha se shumë shpejt qeveria do të miratojë rregullat të cilat do të vendosin standardet për cilësinë e ndërtimit. Aktiviteti u zhvillua nga Shoqata e Ndërtuesve për të njohur produktet që ofron secili prej anëtarëve dhe për të sjellë para publikut shërbimet e reja që bëjnë këto kompani. Për herë të pare në Shqipëri, do të ofrohet për shtëpitë dhe banesat sistemi Bio Dry i cili eliminon në mënyrë të përhershme lagështinë dhe qe u shpall për 2014-ën si inovacioni i vitit në Itali.
