http://www.vizionplus.tv
https://facebook.com/VizionPlusTV
https://twitter.com/VizionPlusTV
Arti vizual vjen këtë fundjavë në kryeqytet më elitar se asnjëherë tjetër. Ekspozita e Rosario Meles, çelur prej disa ditësh në Galerinë FAB do të përcjellë gjithë fundjavën veprat unike që më shumë se në stilin italian, karakterizohen për universalitetin dhe teknikat e zbuluara në Afrikën e lashtë. Galeria e Akademisë së Arteve, nuk është e vetmja që përcjell këtë fundjavë art vizual. Edhe bienalja e pikturës në letër ofron më shumë se 90 vepra arti. 46 artistë nga e gjithë bota vijnë në këtë bienale të bashkuar në një element të vetëm, punimet në letër. Edhe perdet teatrale do të hapen këtë fundjavë ndryshe. Rrallë herë ndodh që në kryeqytet të vijë një vepër në dy shfaqje të ndryshme njëkohësisht. Arturo Ui nis rrugëtimin e tij mbrëmjen e së premtes në Teatrin e Metropolit në ora 20.00, ndërkohë që në Teatrin Eksperimental ?Kujtim Spahivogli? kjo shfaqje tashmë e ka transmetuar veprën në mënyrën më pak klasike të mundshme. Teatri i Operës dhe Baletit risjell baletin e koreografit Angjelin Perlocaj. ?La Stravaganza? si dhe 6 pjesët koreografike te projektit Koreolabos do të përcillen të shtunën në ora 19.00. Po në këtë skenë të dielën në ora 19.00 rivjen baleti ?Impact? dhe ?Table?ku alternohet klasikja dhe modernia nën drejtimin e Daniel Cardoso. Për të vegjlit, shfaqja më interesante e fundjavës në cirkun kombëtar që do të përcjellë shfaqjen ?Surprizat e pranverës?, ashtu sikurse edhe fundjavën e kaluar, në ora 11.00. E nëse këtë shfaqje e keni parë Teatri i Metropolit fton në po të njëjtën orë të vegjlit të ndjekin shfaqjen ?Një maçok për ditëlindje?.
