http://www.vizionplus.tv
https://facebook.com/VizionPlusTV
https://twitter.com/VizionPlusTV
Gjykata e Krimeve te Renda është tërhequr nga vendimi për te mos lejuar ne seance persona te veshur me bluza te zeza me mbishkrimin jam krenar qe jam musliman. Ketë të martë, policia nuk i pengoi te afërmit e te akuzuarve per rekrutim te rreth 70 luftëtareve ne Siri. U desh ndërhyrja e kryetarit të gjykatës për t?i dhene përgjigje pozitive kërkesës së trupit gjykues, që nuk po arrinte dot te zhvillonte seancën. Por sapo të gjithë u lejuan ne salle me bluzat me mbishkrim, procesi vijoi normalisht me pyetjen e dëshmitareve të akuzës. Zamir Mani nga Shkodra, tha se nje nga te pandehurit i ka dërguar ne Siri ish-gruan se bashku me djalin 10- vjeçar. Ndërsa dëshmitari Erzen Gashi ka ndryshuar deklarimet e bëra ne fazën e hetimeve paraprake. ?Më është bërë presion nga policia?, ka pretenduar Gashi, duke mohuar se ishte marrë nga të akuzuarit për t?u çuar ne Siri. Seanca është ndërprerë pas largimit nga salla te te pandehurit Gerti Pashja, i cili ka kërkuar qe te mos merren parasysh deklarimet e te gjithë dëshmitareve ne fazën e hetimeve paraprake, kërkese kjo qe nuk u pranua nga gjykata.
