http://www.vizionplus.tv
https://facebook.com/VizionPlusTV
https://twitter.com/VizionPlusTV
Kandidati demokrat për bashkinë e kryeqytetit Halim Kosova ka takuar banoret e zonës se Tufinës per t?u shpjeguar atyre programin e tij per Tiranën. Doktor Kosova ka premtuar se jo vetëm transparence ne punën e tij si kryebashkiak, por edhe kontroll per firmat qe marrin projekte.?Kush nuk zbaton afatet, kokërr leku nuk ka për të marrë nga unë. Ka ardhur koha, më shumë se kurdoherë tjetër, që banorët e Tiranës të vlerësojnë njeriun e sprovuar, njeriun me provë, njeriun e ndershëm dhe jo njeriun partiak të falsifikuar, të parafabrikuar dhe që i jepet qytetarëve jo për t?u shërbyer atyre?, tha Kosova.Doktor Kosova ka sqaruar edhe lehtësitë qe do te ketë biznesi, nëse ai fiton ne 21 qershor. ?Ju e keni parë se çfarë të mirash mund të prodhojë biznesi nëqoftëse fryma karshi tij është miqësore ose e kundërta sa vështirësi mund t??i krijohet biznesit kur ai penalizohet, i shtohet elektriku, i shtohen taksat, i merret fryma dita ditës, derisa njerëzit pastaj marrin valixhet dhe thonë këtu s?bëhet gjë dhe marrin rrugët e mërgimit pa ndonjë ide të qartë?.Kandidati për kryebashkiak theksoi planin e tij për të siguruar transparencë dhe komunikim të drejtpërdrejtë me qytetarët.
