http://www.vizionplus.tv
https://facebook.com/VizionPlusTV
https://twitter.com/VizionPlusTV
Reformë në sistemin e drejtësisë pa kontributin dhe përfshirjen e opozitë është e papranueshme. Deputeti demokrat Eduard Halimi, deklaroi se pakica parlamentare është e gatshme jo për t?i bërë makijazh drejtësisë së kapur nga mazhoranca, por për një reformë tërësore. ?Vetëm një proces i përbashkët dhe me transparence do të jete garanci për një reforme konsensuale dhe të suksesshme. Çdo produkt i komisionit të Reformës që nuk do të përfshinte kontributin e opozitës, do te ishte shkatërrues për konsensusin dhe po aq për suksesin dhe jetëgjatësinë e kësaj reforme jetike për të ardhmen e vendit.?Për të dy dokumentet e prezantuara strategjinë dhe planin e veprimit, Halimi tha se opozita do të paraqesë në fillim te sesionit të ri parlamentar produktin e vet, në mënyrë që analiza të mos fshehë asnjë të metë të sistemit.?Ekspertët e përzgjedhur nga opozita janë duke punuar intensivisht dhe fillimi i sesionit të ri parlamentar do të sjellë edhe impaktin e plotë të opozitës për të dy dokumentet e mësipërm. Të dyja këto dokumente vetëm pasi të përfshijnë edhe impaktin e opozitës duhet ti kalojnë Komisionit të Venecias për opinionin e tij të pazëvendësueshëm. Ky është dhe do te jetë një proces që nuk duhet të krijojë debat mes palëve politike, në mënyrë që të eliminohet arroganca e deritanishme dhe konsensusi të garantohet plotësisht.?Halimi deklaroi se PD është e vendosur për një reformë në drejtësi tërësore, jo të fragmentuar, me një strategji të plotë, që të largojë gjyqtarët e prokurorët e paaftë e të korruptuar, apo të kapur politikisht.
