http://www.vizionplus.tv
https://facebook.com/VizionPlusTV
https://twitter.com/VizionPlusTV
Një operacion kundër terrorizmit i policisë italiane ne bashkëpunim me autoritetet ne Kosove u finalizua me arrestimin e katër shtetasve kosovare. Tre prej tyre u prangosen ne Itali dhe i katërti, qe rezulton te jete edhe truri i një celule xhihadiste, u kap ne një fshat te Hanit te Elezit ne Kosove. Katër personat akuzohen per mbështetje te terrorizmit dhe nxitje te urrejtjes racore përmes propagandës xhihadiste ne rrjetet sociale. Operacioni i emërtuar ?Van Damme? u zhvillua njëkohësisht ne disa qytete italiane, Breschia, Vicenza dhe Perugia, si dhe ne Kosove. Drejtuesi i grupit shtetasi me inicialet S.I kishte jetuar për nje kohe te gjate ne Itali, ndërsa tre personat e tjerë, identitetet e te cilëve nuk janë bere te ditur, jetonin ende ne vendin fqinj. Ne deklaratën e policisë se Kosovës thuhet se gjate arrestimit te kreut te celulës janë sekuestruar në cilësinë e provave materiale dy armë zjarri, një revole dhe një pushkë e tipit karabinë, si dhe disa pajisje elektronike dhe sende te tjera. Aksioni u krye pas një hetimi të gjatë, qe kishte zbuluar te dhëna te rrezikshme rreth grupit, anëtaret e te cilit publikonin në internet foto me armë dhe sjellje tipike të luftëtarëve të Shtetit Islamik. Sipas informacioneve nga policia e Brescias te arrestuarit dyshohet se kishin planifikuar te kryenin atentat ndaj Papa Franceskut, kishin përshëndetur sulmet terroriste te Parisit dhe kishin kërcënuar edhe ish ambasadoren amerikane ne Kosove, Tracey Jacobson. Gjate përgjimeve te bisedave telefonike janë dëgjuar shprehje te tilla si: ky do te jete Papa i fundit. Ky operacion u zhvillua, ndërsa mediat ne Kosove raportojnë se te paktën 7 shtetas kosovare me lidhje me Shtetin Islamik, besohet te kenë hyre ne Ballkan tri jave me pare. Shërbime të ndryshme të inteligjencës, përfshirë edhe atë të Kosovës, kane informacione se mes tyre është edhe nje nga terroristet me te kërkuar, Lavdrim Muhaxheri. Dyshohet se ata janë larguar nga Siria, pas nisjes se sulmeve ajrore ruse dhe fshihen ne fshatrat e Shkupit.
