HIMARE - Banorë të Himarës zhvilluan mesditën e sotme një protestë për të kundërshtuar projektin urbanistik të Bashkisë, që parashikon edhe shembjen e 19 banesave. Banorët u shprehën të vendosur për të mos lejuar shembjen e banesave të tyre.
Mësohet se gjatë protestës, një pjesë e banorëve folën në gjuhën greke, ndërsa himarjotëve iu bashkuan edhe banorë nga Dukati, Tragjasi dhe Myzeqeja e Vlorës.
Sot ishte afati i fundit që IKMT-ja u kishte dhënë këtyre qytetarëve për lirimin e banesave, por deri në mesditë punonjësit e IKMT-së nuk kanë ndërmarrë asnjë veprim për shembjen e shtëpive.
Një ditë më parë, edhe Athina zyrtare shprehu shqetësim për planin urbanistik në Himarë, duke e cilësuar të papranueshme shembjen e banesave të minoritarëve grekë në Shqipëri.
