Subscribe në Ora News këtu http://bit.ly/1s5j7UT
Mijëra qytetarë kanë protestuar në të gjithë territorin e Kosovës kundër arrestimit të kreut të Aleancës për Ardhmërinë e Kosovës Ramush Haradinaj nga Franca për llogari të Serbisë.
Me pankarta në duar ku shkruhej Kosova është Haradinaj, Peja, Gjilani, Mitrovica, Prizreni, Gjakova e Ferizaj kanë kërkuar lirimin e ish kryeministrit të Kosovës.
Krerët e degëve të partisë Aleanca për Ardhmërinë e Kosovës së këtyre qyteteve kanë kërkuar ndërprerjen e dialogut me Serbinë deri në lirimin e Haradinajt.
Lirimi i menjëhershëm i kreut të AAK është kërkuar edhe nga Shkupi, ku shumë persona kanë protestuar para ambasadës franceze të kryeqytetit maqedonas.
Duke kujtuar miqësinë e Frances ndaj Kosovës si dhe njohjen e pavarësisë nga ana e saj, protestuesit i kërkuan Parisit të jetë koherent me qëndrimet e tij.
Për më shumë lexoni në: http://www.oranews.tv/rajoni/prizreni-gjilani-peja-mitrovica-gjakova-e-ferizaj-ne-proteste-per-haradinajn/
