Prokuroria e Krimeve të rënda kërkon arrest me burg për Admir (Gjuljano) Çerpjen 35 vjeçarin e konsideruar si një ndër dy organizatorët e grabitjes së parave në aksin Qafë Kashar-Rinas në dhjetor 2015 e shkurt 2017.
Teksa në terren uniformat blu janë në kërkim të parave, nga ku rezulton se ky grup ka grabitur në total afro 7 milion euro dhe janë gjetur deri më tani 1.5 të groposura në tenxhere me presion në banesën e Çerpjes, Avdylajt e Xhyliut.
Çerpja ka pranuar përballë hetuesve përfshirjen e tij në grupin e grabitjeve ndërsa gjatë kësaj jave burime për Report Tv bënë me dije se 5 të arrestuarit do të ballafaqohen me njëri tjetrin për të hedhur dritë mbi deklarimet dhe versionet që ata japin.
I vetmi Person që deri më tani nuk pranon akuzën është Ernest Kupa biznesmeni i picerisë nga Kruja.
