Subscribe në Ora News këtu http://bit.ly/1s5j7UT
Nën moton ?Koha e premtimeve skadoi?, komuniteti LGBTI do të marshojë 45 minuta në 13 maj. Organizatorët kanë ndryshuar itinerarin me qëllim mospërfshirjen me çadrën e opozitës të ngritur në bulevard. Aktivistja Xheni Karaj ka sqaruar për Ora News se ky komunitet ka marrë garanci për evitim të incidenteve nga Lulzim Basha dhe Policia e Shtetit.
Parada e LGBTI e cila do të mbahet në 13 maj në të njëjtën ditë me protestën e opozitës nuk do të ketë asgjë të përbashkët me këtë të fundit.
Aktivistja Xheni Karaj sqaron për Ora News se është zgjedhur një itinerar marshimi në të cilin nuk preket në asnjë mënyrë çadra e demokratëve.
Karaj: Ne kemi ndryshuar itinerarin tonë, parada jonë nis nga Pallati i Kongreseve për tu kthyer më pas tek Kuvendi, pa shkuar tek çadra. Nuk kemi asnjë punë me pjesën e çadrës, për të kaluar në Bllok tek ura e vogël e Bllokut do të kthehemi përgjatë Lanës dhe do të pedalojmë deri tek ura tjetër ku ndodhet Drejtoria e Policisë për tu kthyer sërish mbrapsht, për ta mbyllur në pikën e nisjes.
Sipas Karajt, marshimi do të zgjasë rreth 45 minuta dhe pjesë e tij përveç komunitetit LGBTI do të jenë edhe shumë mbështetës.
Për më shumë lexoni në: http://www.oranews.tv/vendi/me-13-maj-parada-45-minuta-e-lgbti-ndryshojne-itinerarin/
