Kjo është Sabija, një 60 vjeçare e cila është drejtuar në Urgjencën e Kamzës për trajtim mjekësor, por pas vizitës ajo është detyruar të ngrihet nga shtrati për të blere vete serumin dhe gjithçka tjetër, pasi urgjenca nuk disponon asgjë.
Sabija është vetëm një prej 100 mijë banorëve që përballen me këtë problematike në Urgjencen e Kamzës. Blerja e ilaçeve është tashmë një rutine për kedo që paraqitet në urgjence.
Drejtori i qendrës shëndetësore Kamëz, pohon për Televizorin Klan se kjo problematike është e bartur nder vite dhe shkak është buxheti i vogël i akorduar nga ministria e shëndetësisë.
Zgjidhja e vetme sipas drejtorit të urgjencës është dhjetëfishimi i fondit për barna, por pavarësisht shkresave zyrtare drejtuar ministrisë së shëndetësisë dhe fondit te detyruar të sigurimeve shëndetësore deri tani nuk ka asnjë përgjigje.
Tv Klan
