Sachin Tendulkar's son Arjun Tendulkar takes 5 wickets for Mumbai aginst Madhya Pradesh.
ആഭ്യന്തര ക്രിക്കറ്റില് വരവറിയിച്ച് ഇതിഹാസതാരം സച്ചിൻ ടെൻഡുല്ക്കറുടെ മകൻ അർജുൻ ടെൻഡുല്ക്കർ. 19 വയസ്സില് താഴെയുള്ളവർക്കായുള്ള കുച്ച്ബിഹാർ ട്രോഫിയില് മുംബൈക്കായി അഞ്ച് വിക്കറ്റ് വീഴ്ത്തിയാണ് അർജുൻ മികവ് കാട്ടിയത്. മധ്യപ്രദേശിനെതിരെ ആയിരുന്നു അർജുൻറെ അഞ്ച് വിക്കറ്റ് നേട്ടം. ആദ്യ ഇന്നിംഗ്സില് അർജുൻ ഒരു വിക്കറ്റെടുത്തിരുന്നു.മത്സരത്തില് ഒന്നാം ഇന്നിംഗ്സ് ലീഡിൻറെ കരുത്തില് മുംബൈ മൂന്ന് പോയിൻറ് നേടി. രണ്ടാം ഇന്നിംഗ്സില് മധ്യപ്രദേശ് മുൻനിരയെ തകർത്തത് ഇടംകൈയൻ മീഡിയം പേസറായ അർജുനായിരുന്നു. മധ്യപ്രദേശിൻറെ ആദ്യ നാല് ബാറ്റ്സ്മാൻമാരെയും അർജുൻ വീഴ്ത്തി. വാലറ്റക്കാരൻറെ വിക്കറ്റ് കൂടി നേടിയാണ് അർജുൻ അഞ്ച് വിക്കറ്റഅ നേട്ടം ആഘോഷിച്ചത്. നേരത്തെ ന്യൂസിലാൻഡിനെതിരായ പരമ്പരക്ക് മുൻപ് ഇന്ത്യൻ നായകൻ വിരാട് കോലി അടക്കമുള്ള താരങ്ങള്ക്ക് നെറ്റ്സില് പന്തെറിഞ്ഞുകൊടുക്കാൻ അർജുൻ എത്തിയിരുന്നു. ഏതായാലും സച്ചിനെപ്പോലെ ഇതിഹാസമാകാനാണ് അർജുൻറെ ശ്രമം എന്നാണ് സോഷ്യല് മീഡിയയിലെ സംസാരം.
