Rangastalam Team has announced Rangasthalam first look. movies is set release on March 30 world wide. Rangasthalam stars Ram Charan and Samantha as the two lovers of a village in Godavari delta area.
సృజనాత్మక దర్శకుడు సుకుమార్, మెగా పవర్స్టార్ రాంచరణ్ కాంబినేషన్లో వస్తున్న చిత్రం రంగస్థలం. చాలా వినూత్నంగా రూపుదిద్దుకొంటున్న ఈ చిత్రంపై ఫ్యాన్స్, ప్రేక్షకుల్లో భారీ అంచనాలు నెలకొన్నాయి. ఈ చిత్రం కోసం ఎప్పుడెప్పుడా అని ఎదురుచూస్తున్నారు. ఈ క్రమంలో సినిమా రిలీజ్ డేట్ను ప్రకటిస్తూ చిత్ర యూనిట్ ఫస్ట్లుక్ను డిసెంబర్ 9న రిలీజ్ చేసింది.
రంగస్థలం చిత్రం మార్చి 30న ప్రపంచవ్యాప్తంగా రిలీజ్ చేస్తున్నట్టు చిత్ర నిర్మాతలు ప్రకటించారు. ఈ చిత్రం మైత్రీ మూవీ మేకర్స్ బ్యానరపై రూపొందుతున్న సంగతి తెలిసిందే.
రంగస్థలం ఫస్ట్లుక్లో రాంచరణ్..చిట్టిబాబు అనే ఊర మాస్ క్యారెక్టర్లో కనిపించాడు. చారల లుంగీ, చేతిలో టవల్, బనీన్, పూలచొక్కాతో మాస్ స్టెప్పులు వేస్తున్న చెర్రీ లుక్ విశేషంగా ఆకట్టుకొంటున్నది.
రంగస్థలం చిత్రంలో తన ఇమేజ్కు భిన్నంగా వినూత్న కథను ఎంపిక చేసుకొని నటుడిగా కొత్త ఫాలోయింగ్ పెంచుకొనేందుకు రాంచరణ్ ప్రయత్నిస్తున్నారు. గోదావరి జిల్లాలోని గ్రామీణ కథగా రంగస్థలం తెరకెక్కుతున్నది. 1980 నాటి కథానేపథ్యంగా రూపొందుతున్నది.
