Mahanati movie twitter review. Unanimous blackbuster talk from all over
తెలుగు ప్రేక్షకులంతా ఆసక్తిగా ఎదురుచూస్తున్న సందర్భం రానే వచ్చింది. మహానటి సావిత్రికి అభిమానులు కానీ తెలుగు వారు ఉండరు. ఆమె సినీ జీవితం తిరుగులేని ప్రస్థానం. ఎన్టీఆర్, ఎన్నార్ లతో పోటీపడిన తొలి లేడీ సూపర్ స్టార్ సావిత్రి. ఆమె జీవితంలో ఎన్నో మధురమైన అనుభూతులు, ఒడిదుడుకులు ఉన్నాయి. సావిత్రి జీవితం గాధ వెండి తెరపై ఆవిష్కృతమవుతుంటే అందరిలో ఆసక్తి నెలకొనడం సహజమే. కీర్తి సురేష్ సావిత్రి పాత్రలో నటిస్తూ రూపొందించిన చిత్రం మహానటి. దర్శకుడు నాగ అశ్విన్ తెరకెక్కించిన ఈ చిత్రం నేడు ప్రేక్షకుల ముందుకు రాబోతోంది. అప్పట్లో అతిరథ మహారథులుగా చెప్పపడే నటుల పాత్రలో నేటి ప్రముఖనటులంతా నటించారు. ఇప్పటికే ఈ చిత్ర ప్రీమియర్ షోల ప్రదర్శన యుఎస్ లో పూర్తయింది. వెండి తెరపై చూపించిన సావిత్రి జీవిత చరిత్రకు అభిమానుల నుంచి ఎలాంటి స్పందన వస్తుందో చూద్దాం..
యూఎస్ నుంచి మహానటి టాక్ వచ్చేసింది. సినిమా అద్భుతం అంటూ ప్రేక్షకుల నుంచి రెస్పాన్స్ వస్తోంది. సావిత్రి జీవిత గాధకు ప్రేక్షకులంతా ఫిదా కావడం ఖాయంగా కనిపిస్తోంది.
కీర్తి సురేష్ సావిత్రి పాత్రలో నటించింది. ఆమె నటన గొప్పగా ఉంది. చిత్రాన్ని అన్ని పాత్రలని బాగా సెట్ చేసారు.
నాగ చైతన్య ఈ చిత్రంలో ఎన్నార్ రోల్ లో నటించారు. తన తాతగారి పాత్రలో చైతు అచుగుద్దినట్లు దిగిపోయాడని ప్రశంసలు దక్కుతున్నాయి. చైతూని పెట్టి ఎన్నార్ బయోపిక్ కూడా చేయవచ్చని అభిమానులు అంటున్నారు.
ఇప్పటికే సమంత అనేక బ్లాక్ బస్టర్ చిత్రాల్లో నటించింది. మహానటి చిత్రం ద్వారా ఆమె ఖాతాలో మరో ఘనవిజయం చేరింది.
జెమినీ గణేశన్ పాత్రలో మలయాళీ స్టార్ హీరో దుల్కర్ సల్మాన్ నటించాడు. దుల్కర్, కీర్తి సురేష్ మధ్య కెమిస్ట్రీ అదిరిపోయింది. ముఖ్యంగా పెళ్లి సన్నివేశంలో వీరి జంట ప్రేక్షకులకు కన్నుల పండుగే.
