Fondi Monetar Ndërkombëtar vlerëson se axhenda e re e qeverisë për projektet partneritet publik privat ka risqe fiskale. Në artikullin 4 të konsultimeve, bordi i drejtorëve sugjeron që ministria e Financave duhet të vlerësojë dhe reflektojë në mënyrë transparente detyrimet që rrjedhin nga këto projekte, në përputhje me normat ndërkombëtare.
? Nga rreziqet fiskale të paraqitura në axhendën e re të paketës ?partneritet publik ? privat?, Ministria e Financave duhet të sigurojë zbatimin e duhur të kornizës së tyre duke përdorur kompetencat që i ka dhënë së fundi ligji i ri. Në kundërshtim me praktikën e tanishme, ndikimi i PPP-ve në llogaritë fiskale duhet të vlerësohet dhe reflektohet në mënyrë transparente dhe në përputhje me normat ndërkombëtare.?
FMN thotë se edhe performanca fiskale është më e ulët se pritej, duke përmendur faktin se buxheti në fund të këtij viti pritej të dilte me balancë pozitive 0.7%, ndërsa thatësira në sektorin e energjisë dhe shpenzimet e pushtetit vendor e kanë reduktuar atë në 0.1% të prodhimit kombëtar.
?Bankers Petrolium ka apeluar mosmarrëveshjen tatimore lidhur me akcizën e dulientit, ndërsa nisma për faljen e detyrimeve tatimore ende nuk ka regjistruar pagesën e principaleve nga kompanitë për të përfituar dhe ulur borxhin tatimor. Megjithatë rivlerësimi i pasurisë ka dhënë efekte më të mëdha se priteshin.?
Bordi i drejtorëve të FMN-së kërkon që qeveria të rishikojë çarjet në strukturën e tatimit mbi vlerën e shtuar, siç është rasti i reduktimit të saj në 6% për hotelet me 5 yje.
? Norma e reduktuar e TVSH-së për hotelet krijon mundësi në shmangien e taksave dhe duhet të rishikohet, ndërsa ulja e pragut të TVSH-së do të rritë burimet administrative duke sjellë rezultate të vogla në mbledhjen e taksave.?
Pavarësisht këtyre këshillave, bordi thotë se ekonomia shqiptare po vijon rritjen e qëndrueshme dhe po vijon reforma të rëndësishme në çështjen e pronës dhe luftës kundër korrupsionit.
