http://www.vizionplus.tv
https://facebook.com/VizionPlusTV
https://instagram.com/vizionplustelevizion
https://twitter.com/VizionPlusTV
Ish-presidenti i SHBA, Barak Obama, në një intervistë të rrallë që prej largimit nga posti në muajin janar, lëshoi një paralajmërim për pasojat qe mund te vijnë mbi përdorimin e papërgjegjshëm të medias sociale.
?Një prej rreziqeve të internetit është se njerëzit mund të kenë realitete krejtësisht të ndryshme. Ata mund të humbasin në informacione që ia shtojnë edhe më shumë paragjykimet. Çështja është si mund ta shfrytëzojmë këtë teknologji në një mënyrë që të lejojë një shumëllojshmëri zërash, një diversitet këndvështrimesh e të lejojë rrugët e gjetjes së pikave të përbashkëta?.
Pasardhësi i tij Donald Trump akuzohet për një përdorim të tepruar të Twitterit, edhe pse republikani këmbëngul se kjo i lejon atij lidhjen e drejtpërdrejtë me popullin amerikan. Megjithatë, Obama u kujdes të mos e përmendte me emër presidentin e Shteteve te Bashkuara. Përballë intervistuesit të tij special, princi Harry, me të cilin diskutuan në programin ?Today? të radio 4 të BBC-së shefi i Shtëpisë se Bardhe Obama, tha se mënyra se si njerëzit komunikojnë nëpërmjet mediave sociale rrezikon të shkatërrojë shoqërinë, të shtrembërojnë perceptimin e njerëzve ndaj çështjeve komplekse dhe të përhapë dezinformim.
