Vendimi i Gjykatës së Tiranës për ekstradimin e Nezar Seitit do jetë subjekt i një hetimi displinor nga Këshilli i Lartë i Drejtësisë. Hetimi i KLD-së nisi pas kërkesës së Prokurosisë për të kaluar në sitë vendimin për gabime të mundshme proceduriale.
Nga ankesat publike thuhet në njoftimin këshillit dyshohet për shkelje të rënda profesionale që diskreditojnë rëndë figurën dhe pozitën e gjyqtarit. Megjithatë keto dyshime do verifikohen nga inspektoret të cilët do përgatisin një raport nëse vendimi ka qenë i bazuar në procedurë apo ajo është shkelur. Vendimi për ekstradimin e Seitit u dha nga gjyqtari Kastriot Gramshi ne datën 18 dhjetor të vitit të kaluar dhe mori formë të prerë në datën 29 dhjetor.
Do të verifkohet nëse Gjykata e Tiranës ka qenë kompetente për shqyrtimin e kësaj kërkese. Zakonisht procese të tilla kryhen nga Gjykata e rrethit ku banon personi që do të ekstradohet.
Nezar Seiti është banues në qytetin e Vlores, siç thuhet në njoftimin e policisë ditën e ndalimit. Por kjo pritet të sqarohet nga hetimi i KLD-së pasi rasti i Seitit mund të jetë specifik pasi arrestimi i është komunikuar në Tiranë. Perveç hetimit disiplinor të KLD-së, për gjyqtarin, Prokuroria e Durrësit po verifikon rolin e Prokurorisë së Tiranës, Krimeve të Rënda dhe Drejtorisë së Burgjeve institucione të cilat nuk janë rakorduar me njëri-tjetrin.
Tv Klan
