Subscribe në Ora News këtu http://bit.ly/1s5j7UT
Ka zgjatur vetëm dy orë arratisja e një 24 vjecari nga Gjykata e Apelit Gjirokastër para se të përfundonte sërish në pranga. Saimir Ahmeti arriti të largohet para se të dilte para gjykatës me akuzën e përndjekjes. I riu nga Vana e Delvinës, rezulton protagonist i një historie mes dashurisë e përndjekjes me një 18 vjeçare nga e njëjta zonë dhe për këtë kishte përfunduar në qeli me masë sigurie 'arrest me burg'.
Ky është 24 vjeçar Saimir Ahmeti (në foto) që arriti të arratiset këtë të mërkurë nga ambientet e Gjykatës së Apelit Gjirokastër, por liria e tij zgjati vetëm 2 orë para se të përfundonte sërish në prangat e policisë.
Ai u gjet dhe u arrestua në një pus uji në zonën muzeale të qytetit, ku sipas burimeve policore është gjetur me dëmtime në trup, të dyshuara se janë shkaktuar nga nxitimi.
"Shtetasi Saimir Ahmeti u gjet i fshehur në një pus në lagjen "Partizani", Gjirokastër, falë punës së mirorganizuar nga policia e Gjirokastrës, si dhe informacioneve të marra në kohë reale nga qytetarët, të cilët i falenderojmë për bashkëpunimin" informon policia.
24-vjeçari është dërguar në spitalin rajonal ku po merr ndihmë mjekësore para se të përfundojë sërish në qeli.
Saimir Ahmeti nga Vana e Delvinës do të dilte rreth mesdites para gjykatës së Apelit ku kishte apeluar një masë sigurie ?arrest me burg? të gjykatës së shkallës së parë të Sarandës për veprën penale të përndjekjes.
Por para se të dilte në seancë, burimet thonë se Ahmeti u ka kërkuar forcave të policisë së burgjeve të Sarandës që shoqëronin në tualet dhe këta të fundit i kanë hequr edhe prangat.
Për më shumë lexoni në: http://www.oranews.tv/article/gjirokaster-i-burgosuri-arratiset-nga-salla-e-gjyqit
