?Një copëz shtëpie? vjen nga kujtimet e Melita Çekanit. E panjohur për publikun shqiptar, por shumë e vlerësuar në SHBA, vajza nga Gjirokastra sjell punët e saj në kryeqytet.
Pikturat tregojnë qytetin e gurtë, rrëfejnë historinë e Shqipërisë me dritëhijet e saj, në këndvështrimin e një artisteje të re. E shkuara, e tashmja dhe e ardhmja, vihen dhe kundërvihen në ngjyra, trajta e linja impresioniste.
Ka fituar disa çmime me punën e saj duke prezantuar qytetin e Gjirokastrës në çdo vend që shkon. Në New York studion për arkitekturë, por pasioni i saj është të merret me restaurime të objekteve të trashëgimisë kulturore që vendit tonë nuk i mungojnë.
Pikturat e saj do të udhëtojnë drejt italisë, ku Melita do të hapë ekspozitën e radhës.
